AGUNA’AGI CA’-OCA’ KEYASAN DHALEM OKARA BASA MADURA

AGUNA’AGI CA’-OCA’ KEYASAN DHALEM OKARA BASA MADURA

            Iye areya oca’ sa ghi’ ta’ etegghes sabhenderra, kantos ghi’ parlo esare artena/tegghessa se samastena.

Conto:

A.      Akantha belling kaojenan

Artena ta’ nyerrep baburughan

B.      Caca pasaran

Caca se ta’ etemmo karowanna

C.      Caca matta

Caca tadha’ daddina

Angguyanna keyasan parompamaan e dhalem okra akadhi e baba paneka.

1.      Ba’na areya akantha belling kaojanan, sakabbiyanna petodhuna oreng towa ta’ etoro’.

2.      Cacana kholis enga’ caca pasaran polana bansaromban.

3.      Bila ajanji ban osis pas caca matta malolo.

Pantun madura

Pantun madura iya areya: pantun se eghuna’agi kaangguy nyemmone dha’ oreng laen.

Rat-saratta aghabay pantun:

Ø  Pantun reya kadaddiyan 8 sampe’ 12 keccap ebhan-sabbhan bhirina.

Ø  Sakupplet pantun reya kadhaddiyan dhari 4 bhiri/bharis.

Ø  Dhuwa’ gharis se eattas enyamae ghambharan/samperan, dhuwa’ gharis se ebabana enyamae esse.

Ø  Pantun asajak a, b, a, b / a, a, a, a

Pantun e dhalem sastra madhura badha 4 (empa’) macem:

1.    Pantun agama

2.    Pantun baburughan

3.    Pantun bur-leburan/se kasean

4.    Pantun palegghiran/loco

Conto:

1.    Pantu agama

Namen maghi tombuna pote.

Melle temmo e bhudhu’an.

Mompong odhi’ sabellunna mate.

Nyare ellmo paongghuwan.

                     Sasanga’ lebunna pappa.

                     Abhabat daunna jhate.

                     Enga’a sabellunna loppa.

                     Atobhat sabellunna mate.

2.    Pantu baburughan.

Atana’a ala-ola.

Kaju sokon saranca’an.

Na’-kana’ se asakola.

Kodhu rokon sakanca’an.

                     Perreng towa ghabay tale.

                     Nembhara’ rajha ojenna.

                     Oreng towa ja’ salae.

                     Amargha rajha dhusana.

3.    Pantun bur-leburan/se kasean

Dhamar tera’ soro poter.

Ta’ kera dhaddhi matena.

Jh’ ra’-serra’ ngoca’ neser.

Ta’ kera dhaddi matena.

                                 Soro ter-ter soro tamen.

                                 E tamen ka ghili ghenteng.

                                 Soro pekker soro kangen.

                                 E kangen samalem bhenteng.

            Samper sarog ka babana.

            Mon mennya’ nompa kapelar.

            Pekker kerrong ka robana.

            Mon enga’ rassa ta’ kellar.

4.    Pantun palegghiran/loco

Kalarassa gheddang bhighi.

Gheddang embhuk nod-pennodhan.

Mlaratta ta’ andhi’ ghighi

Ngakan serbhuk mod-kelmodhan.

                     Lamon malem ta’ adhamar.

                     Tadha’ kabelliye mennya’.

                     Romana ta’ ngangguy dhamar.

                     Mon ngakan neng ghangan tarnya’.